આણંદ, પંચમહાલ સહિત ગુજરાતમાં 48 કલાકમાં વરસાદની આગાહી, હવામાન પલટશે: અંબાલાલ પટેલ
રાજ્યમાં વધતી ગરમી લોકોને ગરમાવી રહી છે. ત્યારે આ બધાની વચ્ચે અંબાલાલ પટેલે વરસાદથી ભીંજવતી આગાહી છે. 48 કલાકમાં હવામાનમાં મોટો પલટો આવશે અને ગાજવીજ તેમજ પવન-આંધી સાથે ઝરમર ઝરમર વરસાદની આગાહી કરી છે. તો બીજી તરફ ચોમાસા અંગે અંબાલાલ પટેલે કહ્યું કે, આ વર્ષે ચોમાસુ 2006 અથવા 2007 જેવું રહેવાની શક્યતા છે.
હવામાન નિષ્ણાંત અંબાલાલ પટેલે 48 કલાકમાં હવામાનમાં મોટો પલટો આવશે તેવી આગાહી કરી છે. બનાસકાંઠા, પંચમહાલ, દાહોદ, વડોદરા, રાજકોટ તેમજ મોરબી, આણંદ, હળવદ, કચ્છના કેટલાક ભાગમાં ઝરમર ઝરમર વરસાદની આગાહી કરી છે.
વરસાદ વહેલો થવાની અને ચોમાસુ સારુ રહેવાની શક્યતાઓ વ્યક્ત કરતા અંબાલાલ પટેલે કહ્યું કે, ”આ વર્ષે ચોમાસુ 2006 અથવા 2007 જેવું રહેશે. ગરમી વધારે થતી હોવાને કારણે ચોમાસુ 1997 જેવું પણ રહી શકે છે તેમજ ચોમાસુ નબળું રહેવાની શક્યતા નહીંવત છે” 
બંગાળના ઉપસાગરમાં મે મહિનામાં ભારે વાવાઝોડું થવાની શક્યતા છે, અરબ સાગરમાં 10 મેથી ચક્રવાત બનવાની શક્યતા રહેશે જે ચક્રવાત અલગ અલગ ભાગોમાં ફેલાઈ શકે છે.
