દાંડી માર્ગના વિકાસ માટે નવો પ્રસ્તાવ: રોડ સેફટી કમિટીની બેઠકમાં ચર્ચા
ખેડા જિલ્લા રોડ સેફટી કમિટીની તાજેતરમાં મહત્વપૂર્ણ બેઠક યોજાઇ હતી. જેમાં નડિયાદ મનપાએ દાંડી માર્ગને આઇકોનિક માર્ગ તરીકે વિકસાવવાનું પ્રોજેકશન રજૂ કર્યુ હતું.
નડિયાદ નજીકના ડભાણથી ભૂમેલ સુધીના ઐતિહાસિક દાંડી માર્ગમાં અનેક નાના-મોટાં ગાબડાં પડી ગયા છે. અગાઉ શહેરના કોંકરણ મંદિર પાસે દાંડી માર્ગ તૂટી ગયા બાદ અવારનવાર, ત્રણથી ચાર વાર કામગીરી કરવામાં આવી હતી. ત્યારબાદ પુન: ગાબડાં પૂરવાની કામગીરી તંત્રએ હાથ ધરી છે. જેમાં દબાણથી ભૂમેલ સુધીના દાંડી માર્ગમાં અનેક સ્થળોએ નાના, મોટા ખાડાની સાથે ગટરોની આસપાસનો સિમેન્ટ ઉખડી જવાના કારણે ગાબડાં પડયા છે. જેના કારણે સામાન્ય અવરજવર માટે પણ માર્ગ ખરાબ થઇ ગયો છે. આ અંગેની રજૂઆતોના પગલે પેચ વર્કની કામગીરી શરુ કરવામાં આવી છે. જો કે ગુણવત્તાયુકત કામગીરી થઇ છે કે કેમ તે તો ચોમાસામાં વરસાદ શરુ થયા બાદ જ જોઇ-જાણી શકાશે.ઉલ્લેખનીય છે કે, આણંદ જિલ્લામાંથી પસાર થતો દાંડી માર્ગ અનેક સ્થળોએ ખાડા-ગાબડાંના કારણે અવરજવર માટે મુશ્કેલ બન્યો છે. જેના માટે જિલ્લા દાંડી વિભાગ દ્વારા પ્રોજેકટ તૈયાર કરીને મહિનાઓ અગાઉ મંજૂરી અર્થ મોકલ્યો છે. જેને મંજૂરી મળતા જ દાંડી માર્ગના નવીનીકરણ સહિતની કામગીરી શરુ થશે. દરમ્યાન તાજેતરમાં આણંદ ટાઉનહોલ પાસેથી પસાર થતા દાંડી માર્ગ પર મનપા વોટર વર્કસ વિભાગે પાણીની લાઇનમાં લીકેજ શોધવા છ માસ અગાઉ બનાવેલ રોડ ખોદી કાઢયો હતો. મરામતની કામગીરી પૂરી કર્યા બાદ પેચવર્કની કામગીરી કરી નહતી. જેથી ચોવીસ કલાક ધમધમતા રોડ પરની સમસ્યા અંગે ફરિયાદોના પગલે દાંડી વિભાગે મનપાને નોટિસ ફટકારીને તાત્કાલિક ધોરણે પેચવર્કની કામગીરી હાથ ધરવા આદેશ કર્યો હતો.
