રોકડા સાથે રાખજો UPI સર્વિસ થઈ ઠપ્પ! લેવડ દેવડમાં આ કારણે દેશભરમાં પડ્યો લોચો
દિલ્હી-એનસીઆર સહિત ભારતના ઘણા શહેરોમાં શનિવારે બપોરે યુનિફાઇડ પેમેન્ટ્સ ઇન્ટરફેસ (UPI) સર્વિસ અચાનક ઠપ્પ થઈ ગઈ. દરમિયાન, ઘણા લોકો UPI દ્વારા પેમેન્ટ કરી શકતા નથી. આઉટેજને ટ્રેક કરનારી વેબસાઇટ Downdetectorએ પણ આ આઉટેજની માહિતી આપી. આ દરમિયાન, Paytm, PhonePe અને Google Pay યુઝર્સ UPIથી પેમેન્ટ કરી શક્યા નથી.
Downdetector અનુસાર, આ આઉટેજ શનિવારે બપોરે 12 વાગ્યાની આસપાસ શરૂ થયો. આ દરમિયાન, Paytm, PhonePe અને Google Pay યુઝર્સ UPIથી પેમેન્ટ કરી શક્યા નહીં. આ દરમિયાન કેટલાક યુઝર્સે સોશિયલ મીડિયા પર પોસ્ટ પણ કરીને આની માહિતી આપી.
શનિવારે બપોરે 12 વાગ્યાની આસપાસ લોકોએ Downdetector પર UPI સમસ્યાઓ વિશે રિપોર્ટ કરવાનું શરૂ કર્યું. આ દરમિયાન, UPI QR કોડ સ્કેન કર્યા પછી, યુઝર્સને પેમેન્ટ પ્રોસેસ દેખાય છે, પરંતુ 5 મિનિટ પછી પણ, પેમેન્ટ પ્રોસેસ પૂર્ણ થઈ રહી નથી. જોકે, આ આઉટેજ અંગે હજુ સુધી એ માહિતી સામે આવી નથી કે ભારતના કયા-કયા રાજ્યો તેનાથી પ્રભાવિત થયા છે. 
ડાઉનડિટેક્ટરે તેના પોર્ટલ પર માહિતી આપી કે SBI, Google Pay, HDFC બેંક અને ICICI બેંકિંગની UPI સર્વિસ પણ પ્રભાવિત થઈ છે. UPI ભારતમાં એક લોકપ્રિય સેવા છે, જેની મદદથી યુઝર્સ ચાની દુકાનોથી લઈને રેલ્વે ટિકિટ બુકિંગ સુધીની દરેક વસ્તુ માટે પેમેન્ટ કરે છે. એવામાં જો આ સર્વિસ બંધ થઈ જાય, તો ઘણા લોકોને તેના કારણે સમસ્યાઓનો સામનો કરવો પડી શકે છે.
