4 બાળકોની હત્યા કર્યા પછી પિતાનો આપઘાત, હચમચાવી મૂકે તેવી ઘટના
ઉત્તરપ્રદેશના શાહજહાંપુર જિલ્લામાં હૈયું હચમચાવી દે તેવી ઘટનામાં એક પિતાએ પોતાના ચાર બાળકોની હત્યા કર્યા પછી આત્મહત્યા કરી લીધી છે. પોલીસ અને ફોરેન્સિક ટીમ ઘટનાસ્થળે પહોંચીને તપાસ હાથ ધરી છે. મૃતકોમાં 10, 8, 7 અને 5 વર્ષની ઉંમરના નિર્દોષ બાળકો સામેલ છે.
શા માટે પિતાએ પોતાના જ બાળકોની હત્યા કરી?
પ્રાપ્ત માહિતી અનુસાર, શાહજહાંપુરના માનપુર ચચરી ગામમાં રહેતા રાજીવ પોતાના ઘરે એકલા હતા. તેની પત્ની પીયર ગયેલી હતી અને પિતા ઘરની બહાર સૂતા હતા. મોડી રાત્રે, રાજીવે પહેલા પોતાની 13 વર્ષની પુત્રી સ્મૃતિ, 9 વર્ષની પુત્રી કીર્તિ, 7 વર્ષની પુત્રી પ્રગતિ અને 5 વર્ષના પુત્ર ઋષભનું ગળું કાપીને તેમને મોતને ઘાટ ઉતાર્યા. 
આપઘાતથી પૂર્વ પિતાની ક્રૂરતા
બાળકોની હત્યા કર્યા બાદ, રાજીવે પોતે ગળે ફાંસો ખાઈ આપઘાત કરી લીધો. વહેલી સવારે, જ્યારે તેના પિતાએ દરવાજો ખોલવાનો પ્રયત્ન કર્યો, ત્યારે દરવાજો અંદરથી બંધ હતો. જ્યારે દરવાજો તોડી અંદર પ્રવેશ કર્યો, ત્યારે ભયાનક નજારો સામે આવ્યો, જે જોઈને તેઓ સ્તબ્ધ રહી ગયા.
પોલીસની પ્રાથમિક તપાસ અને સંદર્ભો
પોલીસે મૃતદેહોને કબજે લઇને આગળની કાર્યવાહી શરૂ કરી છે. પ્રાથમિક તપાસમાં જાણવા મળ્યું છે કે આ ઘટના પારિવારિક ઝઘડાના કારણે બની છે.
