🌧️ દેશના અનેક રાજ્યોમાં વરસાદનો કહેર, ક્યાંક પૂર તો ક્યાંક 41°C ગરમી!

🌧️ દેશના અનેક રાજ્યોમાં વરસાદનો કહેર, ક્યાંક પૂર તો ક્યાંક 41°C ગરમી!

એક તરફ ઉત્તર ભારતમાં ભારે વરસાદથી જનજીવન ખોરવાયું છે, તો બીજી તરફ રાજસ્થાનમાં સપ્ટેમ્બર મહિનામાં પણ તાપમાન 41 ડિગ્રીને પાર પહોંચી ગયું છે.

ઉત્તર પ્રદેશના લખનઉ અને ઉન્નાવ સહિત અનેક વિસ્તારોમાં આજે સવારે ભારે વરસાદ પડ્યો છે. અનેક જગ્યાએ વાદળછાયું વાતાવરણ છે. સીતાપુરમાં ચૌકા નદી પર બનેલો પુલ પાણીમાં ડૂબી ગયો, જ્યારે બાળકો ઘૂંટણ સુધીના પાણીમાંથી પસાર થઈને શાળાએ જવા મજબૂર બન્યા છે.

હવામાન વિભાગે ઉત્તર પ્રદેશના 41 જિલ્લાઓમાં આજે વરસાદનું એલર્ટ જાહેર કર્યું છે.

બીજી તરફ ઉત્તરાખંડમાં પણ વરસાદની શક્યતા યથાવત છે. રાજ્યના 7 જિલ્લાઓમાં આજે વરસાદની આગાહી છે. જ્યારે કેદારનાથમાં સવારે તાપમાન માઈનસ 3 ડિગ્રી સેલ્સિયસ નોંધાતા ઊંચાઈવાળા વિસ્તારોમાં ઠંડીનો ચમકારો વધ્યો છે.

હવે વાત રાજસ્થાનની…

અહીં વરસાદે વિરામ લેતા જ ગરમીએ ફરી જોર પકડ્યું છે. જેસલમેરમાં તાપમાન 41 ડિગ્રી, જ્યારે બીકાનેર અને બાડમેરમાં 40 ડિગ્રીથી વધુ તાપમાન નોંધાયું છે. એટલે સપ્ટેમ્બર મહિનામાં પણ લોકોને મે મહિનાની ગરમીનો અહેસાસ થઈ રહ્યો છે.

હવામાન વિભાગ મુજબ રાજસ્થાનમાં આગામી 4થી 5 દિવસ હવામાન શુષ્ક રહેવાની અને ગરમી વધવાની શક્યતા છે.

મધ્ય પ્રદેશમાં છિંદવાડા, સિવની અને બાલાઘાટમાં આજે ભારે વરસાદનું એલર્ટ છે. જ્યારે બિહારમાં તમામ 38 જિલ્લાઓમાં વરસાદનું યલો એલર્ટ જાહેર કરવામાં આવ્યું છે.

અર્થાત્… એક જ સમયે ક્યાંક પાણીનો કહેર, ક્યાંક ઠંડીનો ચમકારો અને ક્યાંક આકાશમાંથી ગરમીનો પ્રહાર!

દેશના અલગ-અલગ રાજ્યોમાં હવામાનના અલગ રંગ જોવા મળી રહ્યા છે.