1️⃣ બાળકોના ભોજન માટે સરકાર સક્રિય
મિડલ ઈસ્ટમાં ચાલી રહેલા યુદ્ધને કારણે ઉભી થયેલી એલપીજી ગેસની અછતની અસર શાળાઓના મધ્યાહન ભોજન પર ન પડે તે માટે રાજ્ય સરકાર એક્શન મોડમાં આવી છે. પીએમ પોષણ યોજનાના કમિશનરે તમામ જિલ્લા કલેક્ટરો અને મ્યુનિસિપલ કમિશનરોને ગેસ પુરવઠો પ્રાથમિકતાના ધોરણે સુનિશ્ચિત કરવા સૂચના આપી છે.
2️⃣ ભોજન પહોંચાડવું રાજ્યની ફરજ
પીએમ પોષણ યોજના રાષ્ટ્રીય ખાદ્ય સુરક્ષા અધિનિયમ (NFSA) 2013 હેઠળ આવે છે. તેથી બાલવાટિકાથી ધોરણ 8 સુધીના વિદ્યાર્થીઓને નિયમિત રીતે પૌષ્ટિક ભોજન પહોંચાડવું રાજ્ય સરકારની કાનૂની જવાબદારી ગણાય છે અને કોઈપણ સંજોગોમાં શાળાઓમાં રસોઈ બંધ ન થવી જોઈએ.
3️⃣ ગેસ એજન્સીઓને અગ્રતા આપવા આદેશ
રાજ્યની મોટાભાગની શાળાઓમાં ભોજન એલપીજી સિલિન્ડર પર બનાવવામાં આવે છે, જ્યારે કેટલીક જગ્યાએ સેન્ટ્રલાઈઝ્ડ કિચન મારફતે ભોજન તૈયાર થાય છે. ગેસ સપ્લાયમાં અડચણોને ધ્યાનમાં રાખીને ગેસ એજન્સીઓને પીએમ પોષણ કેન્દ્રોને અગ્રતા આપવાનો આદેશ આપવામાં આવ્યો છે.
4️⃣ તંત્રને દેખરેખ રાખવાની જવાબદારી
જિલ્લા પુરવઠા અધિકારીઓ અને મહાનગરપાલિકાના અધિકારીઓને ગેસ પુરવઠા પર સતત નજર રાખવાની જવાબદારી સોંપવામાં આવી છે, જેથી ગેસની અછત છતાં વિદ્યાર્થીઓના પોષણ અને મધ્યાહન ભોજન વ્યવસ્થામાં કોઈ ખલેલ ન પડે.
