વડોદરામાં કથિત આતંકવાદી હોટલના સર્વન્ટ ક્વાર્ટરમાં થોડા સમય માટે રોકાયો હોવાની તપાસ બાદ શહેર પોલીસ એલર્ટ થઈ છે. જૈશ-એ-મોહમ્મદ સાથે સંકળાયેલા કથિત આતંકવાદી મોડ્યુલની તપાસ દરમિયાન વડોદરાનું કનેક્શન સામે આવતાં હોટલોમાં ચેકિંગ અને નિયમોના પાલનની તપાસ વધુ કડક બનાવવામાં આવી છે.
આ કાર્યવાહી દરમિયાન હરણી એરપોર્ટ સર્કલ પાસે આવેલી એક હોટલમાં તપાસ કરતાં પથિક સોફ્ટવેરનો ઉપયોગ ન કરવો, મહેમાનોનું રજિસ્ટર યોગ્ય રીતે ન રાખવું તેમજ સીસીટીવીનું બેકઅપ જાળવી ન રાખવા જેવી બેદરકારી સામે આવી હતી. આ મામલે એસઓજીએ હોટલ સંચાલક સામે પોલીસ કમિશનરના જાહેરનામાના ભંગ બદલ ગુનો નોંધ્યો છે, જ્યારે સમગ્ર મામલે વધુ તપાસ ચાલુ છે.