અંબાણી પરિવારની વહુ અને અનંત અંબાણીની પત્ની રાધિકા અંબાણી ફરી એકવાર પોતાના લુકને લઈને ચર્ચામાં છે. 16 ઓક્ટોબરે જન્મદિવસની ઉજવણી દરમિયાન રાધિકાનો સાદગીભર્યો અંદાજ અને સ્ટાફ દ્વારા આપવામાં આવેલી ખાસ સરપ્રાઈઝે લોકોનું ધ્યાન ખેંચ્યું છે. સોશિયલ મીડિયા પર તેમના લુકની સાથે સ્ટાફ પ્રત્યેના પ્રેમભર્યા વર્તનની પણ પ્રશંસા થઈ રહી છે.
સ્ટાફે ફૂલોની વર્ષા સાથે કર્યું સ્વાગત
રાધિકા અંબાણીના જન્મદિવસને ખાસ બનાવવા માટે સ્ટાફ દ્વારા સુંદર આયોજન કરવામાં આવ્યું હતું. ફૂલોથી સજાવટ, ગ્રાન્ડ એન્ટ્રી દરમિયાન ફૂલોની વર્ષા અને ખાસ કેકની વ્યવસ્થા કરવામાં આવી હતી. આ સરપ્રાઈઝ જોઈને રાધિકા ખુશ થઈ ગયાં હતાં. તેમણે સ્ટાફ સાથે મળીને કેક કટ કર્યો અને આ ખાસ પળો તેમની સાથે માણી હતી.
બ્રાઉન-વ્હાઇટ પોલકા-ડોટ ડ્રેસમાં દેખાયો ક્લાસી લુક
જન્મદિવસના અવસરે રાધિકાએ બ્રાઉન અને વ્હાઇટ પોલકા-ડોટ ડિઝાઇનવાળો સ્લીવલેસ ફ્લોઇંગ ડ્રેસ પહેર્યો હતો. ડ્રેસની લાઇટ V-નેકલાઇન, પાતળી સ્ટ્રેપ્સ અને કમર પરની સફેદ લેસની ડિટેલિંગે તેમના લુકને વધુ આકર્ષક બનાવ્યો હતો. સાદગી અને એલિગન્સનું સુંદર મિશ્રણ તેમના આ આઉટફિટમાં જોવા મળ્યું હતું.
જાણો ડ્રેસની કિંમત કેટલી છે
રાધિકાના આ ડ્રેસની ખાસ વાત તેની ડિઝાઇનની સાથે તેની કિંમત પણ છે. મળતી માહિતી અનુસાર, આ ડ્રેસ Hill House બ્રાન્ડનો છે અને તેની કિંમત બ્રાન્ડની વેબસાઇટ પર ₹29,700 દર્શાવવામાં આવી છે. લક્ઝરી લાઇફસ્ટાઇલ માટે જાણીતા અંબાણી પરિવારની વહુએ આ ખાસ દિવસે સાદા અને સોબર આઉટફિટને પસંદ કરતાં ફેશનપ્રેમીઓનું ધ્યાન ખેંચ્યું છે.
મિનિમલ મેકઅપ અને સિમ્પલ એસેસરીઝે વધારી સુંદરતા
રાધિકાએ પોતાના લુકને વધુ પડતો હેવી બનાવવાને બદલે મિનિમલ રાખ્યો હતો. તેમણે નાના ડાયમંડ સ્ટડ ઇયરરિંગ્સ પહેર્યા હતા. નેચરલ મેકઅપ અને હાફ-અપ, હાફ-ડાઉન હેરસ્ટાઇલ તેમના સમગ્ર લુકને સુંદર બનાવતાં હતાં.
રાધિકા અંબાણીનો આ જન્મદિવસ લુક સાબિત કરે છે કે આકર્ષક દેખાવા માટે હંમેશા ભવ્ય આઉટફિટ્સ કે ભારે એસેસરીઝની જરૂર હોતી નથી. બીજી તરફ, સ્ટાફ દ્વારા કરવામાં આવેલી સરપ્રાઈઝ અને તેમની સાથેની ઉજવણીએ પણ લોકોનું ધ્યાન ખેંચ્યું છે.