શું દિવાળી પહેલા જ આવી જશે 8મું પગાર પંચ?
શું કેન્દ્રીય કર્મચારીઓનો લઘુતમ પગાર ₹18,000થી વધીને સીધો ₹68,940 થઈ શકે છે? અને શું મોંઘવારી ભથ્થામાં એટલે કે DAમાં 4 ટકાનો વધારો થશે?
કેન્દ્રીય કર્મચારીઓ અને પેન્શનરો માટે બે મોટા અપડેટ સામે આવ્યા છે.
સૌથી પહેલા વાત કરીએ DA વધારાની.
જાન્યુઆરી 2026માં 2 ટકાના વધારા બાદ હાલ કેન્દ્રીય કર્મચારીઓને 60 ટકા DA મળી રહ્યો છે. હવે જુલાઈ 2026થી લાગુ થનારા DAમાં 4 ટકાના વધારાની ચર્ચા છે. જો 4 ટકાનો વધારો મંજૂર થાય તો DA વધીને 64 ટકા થઈ શકે છે.
આ વધારાની સાથે જ જુલાઈથી બાકી રહેલું DAનું એરિયર્સ પણ કર્મચારીઓને મળી શકે છે.
હવે પગારના ગણિતને સમજીએ.
જો કોઈ કર્મચારીનો બેઝિક પગાર ₹18,000 છે, તો 60 ટકા DA પ્રમાણે તેને ₹10,800 DA મળે છે. 4 ટકાનો વધારો થતાં 64 ટકા DA પ્રમાણે આ રકમ વધીને ₹11,520 થઈ જશે.
બીજી તરફ નજર કરીએ 8મા પગાર પંચ પર.
કર્મચારીઓ તરફથી ફિટમેન્ટ ફેક્ટર 2.57થી વધારીને 3.83 કરવાની માંગ કરવામાં આવી રહી છે. જો 3.83નો ફિટમેન્ટ ફેક્ટર સ્વીકારવામાં આવે, તો ₹18,000નો લઘુતમ બેઝિક પગાર વધીને લગભગ ₹68,940 થઈ શકે છે.
જોકે અહીં એક મહત્વની વાત એ છે કે ફિટમેન્ટ ફેક્ટર 3.83 હજુ સરકાર દ્વારા મંજૂર કરવામાં આવ્યું નથી. 8મા પગાર પંચનો અહેવાલ મે 2027 સુધીમાં સરકારને સોંપાય તેવી શક્યતા છે.
એટલે હાલ DAમાં 4 ટકાનો વધારો અને 8મા પગાર પંચના ફિટમેન્ટ ફેક્ટર અંગેની વાતને અપેક્ષા અને માંગ તરીકે જોવી જરૂરી છે, અંતિમ નિર્ણય તરીકે નહીં.
હવે સવાલ એ છે—
8મું પગાર પંચ લાગુ થયા બાદ ફિટમેન્ટ ફેક્ટર 3.83 કરવાની માંગ પર સરકાર શું નિર્ણય લેશે?
તમારો અભિપ્રાય કોમેન્ટમાં જરૂર જણાવો.