પેટલાદ નગરપાલિકામાં પ્રમુખ અને ઉપપ્રમુખ સહિત વિવિધ હોદ્દેદારોની નિમણુંક કરવામાં આવી હોવાનું જાહેર કરવામાં આવ્યું છે. નગરપાલિકાના નવા હોદ્દેદારોની પસંદગી બાદ રાજકીય અને સામાજિક વર્તુળોમાં ખુશીની લાગણી જોવા મળી રહી છે. નવી ટીમ શહેરના વિકાસના કાર્યોને વધુ ગતિ આપશે તેવી આશા વ્યક્ત કરવામાં આવી રહી છે.
નગરપાલિકાના પ્રમુખ તરીકે કોકીલાબેન અશોકભાઈ તળપડાની નિમણુંક કરવામાં આવી છે, જ્યારે ઉપપ્રમુખ તરીકે મનીષભાઈ રમેશચંદ્ર શાહને જવાબદારી સોંપવામાં આવી છે. ઉપરાંત કારોબારી ચેરમેન તરીકે જય ભરતભાઈ પટેલ, પક્ષના નેતા તરીકે ધરતીબેન જીગ્નેશભાઈ પટેલ અને દંડક તરીકે રમેશભાઈ રાવજીભાઈ પરમારની પસંદગી કરવામાં આવી છે.
આ પ્રસંગે રાજ્યકક્ષાના મંત્રી કમલેશ પટેલે તમામ નવા હોદ્દેદારોને શુભેચ્છાઓ પાઠવી હતી. તેમણે આશા વ્યક્ત કરી હતી કે નવી ટીમ જનહિતના કાર્યોને પ્રાથમિકતા આપીને શહેરના વિકાસમાં મહત્વપૂર્ણ યોગદાન આપશે. પેટલાદ શહેરના નાગરિકોએ પણ નવા હોદ્દેદારોને અભિનંદન પાઠવી શુભકામનાઓ વ્યક્ત કરી હતી.
