રાજકોટઃ વૈશ્વિક સ્તરે વધતા યુદ્ધના તણાવની અસર હવે ઇંધણના ભાવ પર પણ જોવા મળી રહી છે. આંતરરાષ્ટ્રીય બજારમાં કાચા તેલના ભાવમાં ઉછાળો આવતા પેટ્રોલ અને ડીઝલના દરમાં વધારો થવાની શક્યતા વધી ગઈ છે. જેના કારણે સામાન્ય જનતાની ચિંતા વધતી જોવા મળી રહી છે.
વિશેષજ્ઞોના મતે, યુદ્ધની સ્થિતિને કારણે સપ્લાય ચેઇન પ્રભાવિત થઈ રહી છે અને તેલ ઉત્પાદક દેશોમાં અનિશ્ચિતતા વધતા ભાવમાં અચાનક ઉછાળો આવી રહ્યો છે. રાજકોટ સહિત રાજ્યભરમાં આવનારા દિવસોમાં પેટ્રોલ અને ડીઝલના ભાવમાં વધારો થવાની શક્યતા છે, જેનાથી ટ્રાન્સપોર્ટ અને દૈનિક જીવન ખર્ચ પર સીધી અસર પડશે.
હાલમાં લોકોમાં ચર્ચા છે કે, જો આ સ્થિતિ લાંબા સમય સુધી ચાલુ રહેશે તો મોંઘવારી વધુ વધી શકે છે. વેપારીઓ અને વાહનચાલકો માટે પણ આ સ્થિતિ ચિંતાજનક બની રહી છે, કારણ કે ઇંધણના વધતા ભાવનો સીધો બોજ તેમની પર પડશે. સરકાર તરફથી હજી સુધી કોઈ સત્તાવાર જાહેરાત કરવામાં આવી નથી, પરંતુ બજારમાં સ્થિતિ ગરમ બની રહી છે.
