🚨 વિદ્યાનગરની રાણક ગર્લ્સ હોસ્ટેલ આખરે સીલ! વિદ્યાર્થીનીઓનો રોષ ફૂટ્યો, જવાબદારીના સવાલે રેક્ટરનું મૌન

🚨 વિદ્યાનગરની રાણક ગર્લ્સ હોસ્ટેલ આખરે સીલ! વિદ્યાર્થીનીઓનો રોષ ફૂટ્યો, જવાબદારીના સવાલે રેક્ટરનું મૌન

વિદ્યાનગરની રાણક ગર્લ્સ હોસ્ટેલને આખરે તાળું લાગી ગયું છે…

ભોજનની ગુણવત્તાને લઈને ઉઠેલા ગંભીર આક્ષેપો અને અગાઉ બનેલી ફૂડ પોઇઝનિંગની ઘટનાને પગલે હોસ્ટેલને સીલ કરવામાં આવી છે.

વિદ્યાર્થીનીઓનો આક્ષેપ છે કે ભોજનમાંથી ઈયળ મળી આવી હતી.

અને આ પહેલી ઘટના નથી… અગાઉ પણ આશરે 200 જેટલી વિદ્યાર્થીનીઓ ફૂડ પોઇઝનિંગનો ભોગ બની હોવાનો મામલો સામે આવ્યો હતો.

ઘટનાઓ સામે આવ્યા બાદ જવાબદારી કોની?

વ્યવસ્થા સામે કેમ સવાલો ઊભા થયા?

અને વિદ્યાર્થીનીઓની સુરક્ષાની જવાબદારી કોણ લેશે?

આ સવાલોના જવાબની માંગ વચ્ચે હોસ્ટેલના રેક્ટર કિન્નરી બહેન તરફથી જવાબદારીના મુદ્દે મૌન જોવા મળ્યું. એટલું જ નહીં, મીડિયા સાથે રેક્ટર દ્વારા ગેરવર્તન કરવામાં આવ્યું હોવાનો પણ મામલો સામે આવ્યો છે.

બીજી તરફ વિદ્યાર્થીનીઓનો રોષ હવે ખુલ્લેઆમ બહાર આવ્યો.

વિદ્યાર્થીનીઓએ નારા લગાવ્યા—

“કેતકી બહેનને બહાર બોલાવો…”

“અમને ન્યાય અપાવો!”

હવે સૌથી મોટો સવાલ એ છે કે હોસ્ટેલ સીલ કરી દેવામાં આવી, પરંતુ વિદ્યાર્થીનીઓની ફરિયાદો અને અગાઉની ઘટનાની જવાબદારી નક્કી થશે ક્યારે?

હોસ્ટેલમાં ભોજનની ગુણવત્તાથી લઈને વિદ્યાર્થીનીઓની સુરક્ષા સુધી… દરેક સવાલનો સ્પષ્ટ જવાબ હવે માંગવામાં આવી રહ્યો છે.