ઉમરેઠ: સ્થાનિક સ્વરાજ્યની ચૂંટણીઓને લઈ ઉમરેઠમાં રાજકીય ગરમાવો વધ્યો છે. ભાજપ દ્વારા વોર્ડ નંબર-૧ માં પ્રચારના શ્રીગણેશ કરી દેવામાં આવ્યા છે. વોર્ડ નંબર-૧ માં ભાજપ તરફથી કૌશિકભાઈ સોલંકી (જોડિયો મિસ્ત્રી), પ્રેક્ષાબેન પટેલ, મેહુલભાઈ પટેલ (ચોકસી) અને શિવાંગીબેન દરજી ઉમેદવારી નોંધાવી છે. ભાજપની આ સંપૂર્ણ પેનલે વોર્ડના વિવિધ વિસ્તારોમાં ઘરે-ઘરે જઈ મતદારો સાથે સીધો સંવાદ કર્યો હતો. પ્રચાર દરમિયાન કેન્દ્ર અને રાજ્ય સરકારની લોકકલ્યાણકારી યોજનાઓ તેમજ શહેરના વિકાસના મુદ્દાઓ રજૂ કરી ભાજપને વિજયી બનાવવા અપીલ કરવામાં આવી હતી.
ઉમરેઠ નગરપાલિકા ચૂંટણી: વોર્ડ નં-૧ માં ભાજપના ઉમેદવારોનું ‘ડોર-ટુ-ડોર’ પ્રચાર અભિયાન
