1. 400 કરોડના કૌભાંડમાં મોટો ખુલાસો
સુરતમાં 400 કરોડના કૌભાંડ કેસમાં પોલીસને મોટી સફળતા મળી છે, જ્યાં દુબઈમાં બેઠેલા માસ્ટરમાઈન્ડ લવિશ ચૌધરીના સાગરીતને વડોદરાથી ઝડપી પાડવામાં આવ્યો છે. આ શખ્સ 2023થી આ ઠગાઈના નેટવર્ક સાથે જોડાયેલો હોવાનું સામે આવ્યું છે.
2. ટ્રેડિંગ વેબસાઈટથી ઠગાઈનો ખેલ
આરોપી અને તેના માસ્ટરમાઈન્ડે નકલી ટ્રેડિંગ વેબસાઈટ બનાવી વેપારીઓને દર મહિને 5-6% નફાની લાલચ આપી હતી. આ રીતે સુરતના વેપારીઓ પાસેથી ટુકડે-ટુકડે કરીને રૂ. 56 લાખથી વધુની રકમ પડાવી લેવાઈ હતી.
3. ઓછું શિક્ષણ છતાં મોટું કૌભાંડ
માત્ર ધોરણ 12 પાસ આ શખ્સ દુબઈના કુખ્યાત ઠગના માર્ગદર્શન હેઠળ કામ કરતો હતો અને કરોડો રૂપિયાના ફ્રોડમાં સંડોવાયો હતો. આરોપી દ્વારા અનેક દેશોની યાત્રા પણ કરવામાં આવી હોવાનું સામે આવ્યું છે.
4. કરોડોની ટ્રાન્ઝેક્શન અને દેશભરમાં ફરિયાદો
પોલીસ તપાસમાં ખુલ્યું છે કે આરોપીના બેંક એકાઉન્ટમાં રૂ. 10 કરોડથી વધુના ટ્રાન્ઝેક્શન થયા છે અને તેના વિરુદ્ધ દેશભરમાંથી 50 જેટલી ફરિયાદો નોંધાઈ છે.
5. ED અને પોલીસની સંયુક્ત કાર્યવાહી
આ મામલે વધુ તપાસ માટે EDને પણ સામેલ કરવામાં આવી છે અને દુબઈમાં બેઠેલા મુખ્ય આરોપીને પકડવા માટે કાર્યવાહી તેજ કરવામાં આવી છે. આ ગેંગ માત્ર સુરત જ નહીં પરંતુ દેશભરના રોકાણકારોને નિશાન બનાવી રહ્યો હતો.
