1. સરકારનો નવો નિયમ લાગુ
નાગરિક ઉડ્ડયન મંત્રાલયે નિર્ણય લીધો કે હવે દરેક ફ્લાઈટમાં 60% સીટો પર કોઈ એક્સ્ટ્રા ચાર્જ વસૂલવામાં નહીં આવે, જે મુસાફરો માટે મોટી રાહત છે.
2. અગાઉનો સિસ્ટમ શું હતો?
અગાઉ માત્ર 20% સીટો ફ્રી હતી અને બાકીની 80% સીટો માટે ₹500 થી ₹3000 સુધી ‘પ્રેફર્ડ સીટ’ ચાર્જ લેવામાં આવતો હતો.
3. મુસાફરોને વધારાની સુવિધા
નવા નિયમ મુજબ એક જ PNR પર બુકિંગ કરનાર પરિવાર/મિત્રોને સાથે અથવા નજીકની સીટ આપવી ફરજિયાત, તેમજ પાળતુ પ્રાણી અને સામાનના નિયમો સરળ બનાવાયા.
4. એરલાઇન્સનો વિરોધ
ઇન્ડિગો, એર ઈન્ડિયા અને સ્પાઈસ જેટ જેવી કંપનીઓએ આ નિર્ણયનો વિરોધ કર્યો અને કહ્યું કે આથી તેમની આવક પર મોટો અસર પડશે.
5. ભાડા વધારાની ચીમકી
એરલાઇન્સે ચેતવણી આપી કે જો સીટ ચાર્જ બંધ થશે તો તેઓ બેઝ ટિકિટ ભાડામાં વધારો કરી શકે છે, જેથી નુકસાનની ભરપાઈ થઈ શકે.
6. એરલાઇન્સની મુખ્ય દલીલો
કંપનીઓએ જણાવ્યું કે ફ્યુઅલ, મેન્ટેનન્સ અને એરપોર્ટ ખર્ચ વધતા હોવાથી એક્સ્ટ્રા ચાર્જ તેમની આવકનો મહત્વનો ભાગ છે, અને કિંમતો નક્કી કરવાની તેમની સ્વતંત્રતા પર અસર થઈ રહી છે.
7. સરકારનો હેતુ vs વાસ્તવિક અસર
સરકાર મુસાફરોને રાહત આપવા માંગે છે, પરંતુ જો ભાડા વધશે તો આ રાહત માત્ર નામમાત્ર રહી શકે છે.
