ખંભાત નગરપાલિકા દ્વારા પ્રધાનમંત્રી સ્વનિધિ યોજના અંતર્ગત લોન તથા ચેક વિતરણનો કાર્યક્રમ યોજાયો હતો. આ કાર્યક્રમ ખંભાતના ગવારા ટાવર સ્થિત સ્તંભતીર્થ કોમ્પ્લેક્ષ ખાતે નગરપાલિકાના NULM વિભાગ દ્વારા આયોજિત કરવામાં આવ્યો હતો.
કાર્યક્રમ દરમિયાન પસંદગી પામેલા લાભાર્થીઓને ₹15,000, ₹25,000 તથા ₹50,000ની લોન માટેના મંજૂરી પત્રો (સેન્શન લેટર) તેમજ ચેકનું વિતરણ કરવામાં આવ્યું હતું. આ યોજનાનો મુખ્ય હેતુ રસ્તા પર વ્યવસાય કરતા નાના વેપારીઓ અને સ્વરોજગાર ધરાવતા લોકોને આર્થિક રીતે સશક્ત બનાવવાનો છે.
ઉલ્લેખનીય છે કે આ કાર્યક્રમ વડાપ્રધાન નરેન્દ્ર મોદી દ્વારા કેરળના તિરુવનંતપુરમ ખાતેથી સમગ્ર દેશના 1 લાખથી વધુ લાભાર્થીઓને લોન અને ક્રેડિટ કાર્ડ વિતરણ માટે શરૂ કરાયેલા રાષ્ટ્રીય કાર્યક્રમના અનુસંધાને યોજાયો હતો.
આ પ્રસંગે ખંભાત નગરપાલિકા પ્રમુખ દિગ્વિજયસિંહ પરમાર, એક્ઝીક્યુટીવ ચેરમેન રાજેશભાઈ રાણા, SBI બ્રાન્ચ મેનેજર નિશાંતભાઈ, NULM વિભાગના અધિકારીઓ તથા કર્મચારીઓ અને સ્થાનિક પત્રકાર મિત્રો વિશેષ ઉપસ્થિત રહ્યા હતા.
