1️⃣ અંડરગ્રાઉન્ડ ‘મિસાઈલ સિટી’નો વીડિયો જાહેર
ઈરાન-ઈઝરાયેલ યુદ્ધ વચ્ચે ઈરાનની સેનાએ અંડરગ્રાઉન્ડ ‘મિસાઈલ સિટી’ના વીડિયો જાહેર કર્યા છે. આ વીડિયોમાં નૌસેનાના ડ્રોન, એન્ટી-શિપ મિસાઈલ અને સમુદ્રી માઇન્સથી ભરેલી લાંબી સુરંગો જોવા મળે છે, જેને ઈરાન તેની સૈન્ય ક્ષમતાનું પ્રદર્શન ગણાવી રહ્યું છે.
2️⃣ હોર્મુઝ વિસ્તારમાં વધતું જોખમ
ઈરાનની સેનાએ દાવો કર્યો છે કે તેમના પાસે આત્મઘાતી ડ્રોન બોટ્સનો મોટો જથ્થો છે અને તેને હોર્મુઝની ખાડીમાં તહેનાત કરવામાં આવ્યો છે. આ કારણે અહીંથી પસાર થતા વેપારી જહાજો અને તેલના ટેન્કરો માટે જોખમ વધ્યું હોવાનું માનવામાં આવી રહ્યું છે.
3️⃣ USV ડ્રોનથી હુમલાનો ખતરો
ઈરાનના અનમેન્ડ સરફેસ વ્હીકલ (USV) અથવા સી ડ્રોન પાણીની સપાટી પર કે નીચે ચાલતા હોય છે અને વિસ્ફોટકો સાથે ટકરાતા જ વિસ્ફોટ કરે છે. આવા ડ્રોન દ્વારા અગાઉ પણ તેલના ટેન્કરો પર હુમલાના બનાવો સામે આવ્યા છે.
4️⃣ તેલ સપ્લાય રોકવાની ધમકી
ઈરાને હોર્મુઝ સ્ટ્રેટમાંથી તેલની સપ્લાય રોકવાની પણ ધમકી આપી છે. વિશ્વના લગભગ પાંચમા ભાગનું તેલ આ માર્ગેથી પસાર થાય છે, તેથી જો સપ્લાય બંધ થાય તો વૈશ્વિક બજારમાં તેલના ભાવમાં ભારે વધારો થવાની શક્યતા વ્યક્ત કરવામાં આવી રહી છે.
