ભારતની T20 વર્લ્ડ કપ જીત બાદ મેદાન પર કરવામાં આવેલી ઉજવણી હવે વિવાદમાં આવી છે. ભારતીય ક્રિકેટર Hardik Pandya સામે રાષ્ટ્રધ્વજના કથિત અપમાનને લઈને ફરિયાદ નોંધાવવાની માંગ કરવામાં આવી છે.
પૂણેના વકીલ વાજિદ ખાને શિવાજીનગર પોલીસ સ્ટેશનમાં અરજી આપીને FIR નોંધવાની માંગ કરી છે. ફરિયાદમાં આરોપ લગાવવામાં આવ્યો છે કે જીત બાદ ઉજવણી દરમિયાન હાર્દિક પંડ્યાએ તિરંગાને પોતાના શરીર પર લપેટી લીધો હતો, જે રાષ્ટ્રધ્વજની ગરિમા વિરુદ્ધ હોવાનું કહેવામાં આવ્યું છે.
પોલીસે અરજી મળ્યાની પુષ્ટિ કરી છે, જોકે મામલે હાલ તપાસ ચાલુ હોવાનું જણાવાયું છે. બીજી તરફ, હાર્દિક પંડ્યાએ આ ટુર્નામેન્ટમાં બે અડધી સદી સાથે કુલ 9 વિકેટ લઈને શાનદાર પ્રદર્શન કર્યું હતું અને તેને 2026 T20 વર્લ્ડ કપની ICC ટીમમાં પણ સ્થાન મળ્યું છે.
