ડીજીસીએ દ્વારા જાહેર કરાયેલી નવી માર્ગદર્શિકા મુજબ હવે એરલાઇન્સને ફ્લાઇટમાં ઓછામાં ઓછી 60% બેઠકો મુસાફરોને વધારાના ચાર્જ વગર ફાળવવી પડશે. આ પગલાંથી વેબ ચેક-ઇન અથવા સીટ પસંદગી સમયે લેવાતા વધારાના ચાર્જ પર નિયંત્રણ આવશે.
નવા નિયમો અનુસાર એક જ PNR પર મુસાફરી કરતા પ્રવાસીઓને નજીક-નજીક બેઠકો ફાળવવી ફરજિયાત રહેશે, જેથી પરિવાર અથવા ગ્રુપ સાથે મુસાફરી સરળ બને.
એરલાઇન્સને રમતગમતના સાધનો, સંગીતના સાધનો અને પાળતુ પ્રાણીઓના પ્રવાસ અંગે પણ પારદર્શક નીતિ રાખવાની સૂચના આપવામાં આવી છે.
સાથે જ ફ્લાઇટ મોડું થવું, કેન્સલ થવું અથવા બોર્ડિંગ ન મળવા જેવી સ્થિતિમાં મુસાફરોના અધિકારો વિશે સ્પષ્ટ માહિતી વેબસાઇટ, એપ અને એરપોર્ટ પર દર્શાવવી ફરજિયાત બનાવવામાં આવી છે.
એરલાઈન મુસાફરોને મોટી રાહત: 60% બેઠકો પર વધારાનો ચાર્જ વસૂલવાની મનાઈ
