1️⃣ NIAની મોટી કાર્યવાહી
રાષ્ટ્રીય તપાસ એજન્સી (NIA)એ ભારતમાં આતંકી કાવતરું ઘડવાના આરોપસર 7 વિદેશી નાગરિકોની ધરપકડ કરી છે, જેમાં 6 યુક્રેનિયન અને 1 અમેરિકન નાગરિકનો સમાવેશ થાય છે. આ તમામ શંકાસ્પદોને દિલ્હી, લખનઉ અને કોલકાતા એરપોર્ટ પરથી ઝડપી પાડવામાં આવ્યા હતા.
2️⃣ મિઝોરમ કનેક્શન બહાર આવ્યું
મિઝોરમના મુખ્યમંત્રી લાલદુહોમાએ વિધાનસભામાં જણાવ્યું કે વિદેશી નાગરિકો મિઝોરમ મારફતે મ્યાનમાર જઈ રહ્યા હતા અને કેટલાક લોકો આતંકીઓને શસ્ત્ર તાલીમ આપતા તેમજ અગાઉ રશિયા-યુક્રેન યુદ્ધમાં સામેલ રહ્યા હોવાના અહેવાલો છે.
3️⃣ ડ્રોન અને આતંકી નેટવર્કનો ખુલાસો
તપાસમાં જાણવા મળ્યું કે આરોપીઓ યુરોપથી ડ્રોન મંગાવી મ્યાનમારના બળવાખોર જૂથોને સપ્લાય કરતા હતા, જેને ભારતીય આતંકી સંગઠનોનું સમર્થન મળતું હતું. તેઓ માન્ય વિઝા પર ભારતમાં આવ્યા હતા, પરંતુ પ્રતિબંધિત વિસ્તાર માટે જરૂરી પરમિટ લીધા વગર ગેરકાયદેસર રીતે સરહદ પાર કરી હતી.
4️⃣ તપાસ વધુ તેજ, કસ્ટડી લંબાઈ
પટિયાલા હાઉસ કોર્ટે આરોપીઓની કસ્ટડી 27 માર્ચ સુધી લંબાવી છે. NIA હાલમાં મોબાઈલ ડેટા અને સોશિયલ મીડિયા એકાઉન્ટ્સની તપાસ કરી રહી છે, જેથી આ નેટવર્ક સાથે જોડાયેલા અન્ય સાથીદારો સુધી પહોંચી શકાય.
