1️⃣ કરોડોની છેતરપિંડીનો આરોપ
અમદાવાદના સેટેલાઈટ વિસ્તારમાં ‘એમ પી ગ્રુપ ઓફ કંપનીઝ’ના નામે ઓફિસ ચલાવતા મિહીર પરીખ અને તેના ભાગીદારો સામે કરોડો રૂપિયાની છેતરપિંડીના આક્ષેપ સાથે ફરિયાદ નોંધાઈ છે. આરોપ છે કે તેમણે જાણીતી કંપનીના નામનો દુરુપયોગ કરીને રોકાણકારોને વિશ્વાસમાં લીધા અને મોટી રકમ હડપ કરી.
2️⃣ ડીમેટ એકાઉન્ટના નામે રોકાણ કરાવ્યું
મળતી માહિતી મુજબ, આંબાવાડીના એક વેપારીને મોતીલાલ ઓસવાલ કંપનીમાં ડીમેટ એકાઉન્ટ ખોલાવી આપવાનું કહી શેરબજારમાં રોકાણ કરવાની લાલચ અપાઈ હતી. વિશ્વાસમાં આવી વેપારીએ પોતાના પરિવારના સભ્યોના નામે ડીમેટ એકાઉન્ટ ખોલાવી અંદાજે 5.30 કરોડ રૂપિયાનું રોકાણ કર્યું હતું.
3️⃣ નાણાં હડપ કરવાનો આક્ષેપ
ફરિયાદ મુજબ, રોકાણ કરાવવામાં આવ્યા બાદ આ નાણાં આરોપીઓ દ્વારા બારોબાર હડપ કરવામાં આવ્યા હતા. આ મામલે સેટેલાઈટ પોલીસ સ્ટેશનમાં ફરિયાદ નોંધાઈ છે અને પોલીસ દ્વારા સમગ્ર કૌભાંડ અંગે વધુ તપાસ હાથ ધરવામાં આવી રહી છે.
4️⃣ અન્ય લોકોને પણ ઠગ્યાની શંકા
તપાસ દરમિયાન બહાર આવ્યું છે કે શેરબજારમાં રોકાણના બહાને આ ટોળકીએ અન્ય અનેક લોકો પાસેથી પણ કરોડો રૂપિયાનું નાણાકીય કૌભાંડ આચર્યું હોવાની શંકા વ્યક્ત થઈ રહી છે. પોલીસ સમગ્ર મામલે પુરાવા એકત્રિત કરી આગળની કાર્યવાહી કરી રહી છે.
