અમદાવાદ ક્રાઈમ બ્રાન્ચે અમરાઈવાડી વિસ્તારમાં મોટી કાર્યવાહી કરીને આશરે ₹2.90 કરોડની નકલી ચલણી નોટો જપ્ત કરી છે. આ કેસમાં સુરતની એક મહિલા સહિત કુલ 6 આરોપીઓને ઝડપી પાડવામાં આવ્યા છે, જ્યારે સમગ્ર રેકેટ અંગે તપાસ ચાલુ છે.
બાતમીના આધારે પોલીસે સુરતથી આવતી શંકાસ્પદ લક્ઝરી કાર અટકાવી તપાસ કરતાં તેમાં મોટી માત્રામાં ડુપ્લીકેટ નોટો મળી આવી હતી. આરોપીઓ સરકાર અને આયુષ મંત્રાલયના નામનો દુરુપયોગ કરીને પોતાને સરકારી વાહન તરીકે બતાવી પોલીસથી બચવાનો પ્રયાસ કરતા હતા.
પૂછપરછ દરમિયાન આ નકલી નોટોના રેકેટના તાર સુરત સુધી પહોંચતા, સુરત ક્રાઈમ બ્રાન્ચે ઉધના વિસ્તારમાં દરોડો પાડી હાઈટેક પ્રિન્ટિંગ મશીન અને વધુ ₹80 લાખની નકલી નોટો કબજે કરી છે. સમગ્ર ઓપરેશનમાં કરોડોની નકલી કરન્સી ઝડપાતા મોટા ગેંગનો પર્દાફાશ થયો છે.
અમદાવાદમાં નકલી નોટોનો મોટો રેકેટ પર્દાફાશ: ક્રાઈમ બ્રાન્ચે કરોડોની કરન્સી સાથે 6 આરોપીઓને ઝડપી પાડ્યા
