વિધ્યાનગર પોલીસ દ્વારા કોર્ટના આદેશ મુજબ સજા વોરંટના આરોપીને ઝડપી પાડવાની કાર્યવાહી હાથ ધરવામાં આવી હતી. પોલીસ ઇન્સ્પેક્ટર આર.એમ. મધુના માર્ગદર્શન હેઠળ ટીમે આયોજનબદ્ધ રીતે તપાસ કરીને આરોપીને શોધી કાઢ્યો હતો. આ કાર્યવાહી દરમિયાન પોલીસ ટીમે ચોક્કસ માહિતીના આધારે આરોપીને પકડી પાડવામાં સફળતા મેળવી હતી.
આરોપી હરેશભાઈ દેવશીભાઈ ગોહેલ વિરુદ્ધ નેગોશિયેબલ ઇન્સ્ટ્રુમેન્ટ એક્ટ કલમ 138 હેઠળનો ગુનો નોંધાયેલ હતો, જેમાં નામદાર કોર્ટ દ્વારા અગાઉ સજા ફટકારવામાં આવી હતી. છતાં આરોપી હાજર ન થતા તેની સામે સજા વોરંટ બહાર પાડવામાં આવ્યું હતું. પોલીસે સતત પ્રયાસો કરીને અંતે આરોપીને ઝડપ્યો હતો.
પકડાયેલા આરોપી સામે કાયદેસરની કાર્યવાહી હાથ ધરવામાં આવી છે અને તેને આગળની કાર્યવાહી માટે કોર્ટ સમક્ષ રજૂ કરવાની પ્રક્રિયા શરૂ કરવામાં આવી છે. સમગ્ર કામગીરી વિદ્યાનગર પોલીસ સ્ટેશનના અધિકારીઓ અને સ્ટાફ દ્વારા સફળતાપૂર્વક પાર પાડવામાં આવી હતી.
