1️⃣ વિઝા ફ્રોડ મામલે કાર્યવાહી
અમેરિકામાં વિઝા ફ્રોડના ગંભીર કેસમાં 11 ભારતીય નાગરિકો, જેમાં મોટાભાગના ગુજરાતી મૂળના છે, સામે ફેડરલ પ્રોસિક્યુટર્સ દ્વારા કાર્યવાહી કરવામાં આવી છે. આરોપ છે કે તેઓએ અમેરિકામાં ગેરકાયદેસર રીતે રહેતા હોવા છતાં વિઝા મેળવવા માટે કાયદાનો દુરુપયોગ કર્યો હતો.
2️⃣ ‘U વિઝા’ મેળવવા માટે કૌભાંડ
આ ગ્રુપ પર આરોપ છે કે તેઓએ અમેરિકામાં મળતા ‘U વિઝા’નો લાભ લેવા માટે નકલી ગુનાની ઘટનાઓ ગોઠવી હતી. સામાન્ય રીતે આ વિઝા એવા લોકોને આપવામાં આવે છે જેઓ ગંભીર ગુનાના ભોગ બન્યા હોય અને પોલીસ તપાસમાં મદદ કરે.
3️⃣ નકલી લૂંટનો ડ્રામા
મળતી માહિતી મુજબ, આરોપીઓએ મેસેચ્યુસેટ્સ, કેન્ટુકી અને ઓહાયો જેવા રાજ્યોમાં કેટલાક સ્ટોર માલિકો સાથે મળીને નકલી સશસ્ત્ર લૂંટની ઘટનાઓ ગોઠવી હતી. લૂંટારુઓ નકલી હથિયાર સાથે સ્ટોરમાં ઘૂસી કેશ લૂંટતા અને આ દ્રશ્યો CCTVમાં કેદ થવા દેતા.
4️⃣ પોલીસ ફરિયાદ બાદ વિઝા અરજી
આ નકલી લૂંટ બાદ સ્ટોરના કર્મચારીઓ પોલીસને ફરિયાદ નોંધાવતા અને પોતે ગુનાના ભોગ બન્યા હોવાનું દર્શાવતા. ત્યારબાદ ‘U વિઝા’ માટે અરજી કરવામાં આવતી, જેના આધારે તેમને કામ કરવાની પરવાનગી અને ભવિષ્યમાં ગ્રીન કાર્ડ મેળવવાનો રસ્તો મળી શકે.
