1. બોપલ પોલીસ સ્ટેશનમાં વિવાદ
અમદાવાદના બોપલ પોલીસ સ્ટેશનમાં એક યુવક અને PSI વચ્ચે ઉગ્ર બોલાચાલીનો મામલો સામે આવ્યો, જેનો વીડિયો સોશિયલ મીડિયા પર વાયરલ થયો.
2. યુવકનો ગંભીર આક્ષેપ
નિકોલના આશિષ કોસ્ટીએ આરોપ લગાવ્યો કે PSIએ તેને ‘લુખ્ખો’ કહી અપમાનિત કર્યો અને લોકઅપમાં પૂરવાની ધમકી આપી, જે અંગે તેણે SPને લેખિત ફરિયાદ કરી.
3. પરિસ્થિતિનું કારણ શું?
યુવક પગની સર્જરીને કારણે ગાડીના બોનેટ પર બેઠો હતો, પરંતુ પોલીસકર્મીઓએ તેને ત્યાંથી હટાવતાં વિવાદ શરૂ થયો.
4. પોલીસનો પક્ષ
પોલીસના જણાવ્યા મુજબ યુવકે ગાડી ખોટી રીતે પાર્ક કરી હતી અને પોલીસ સાથે ઉગ્ર ભાષામાં વાત કરી હતી, તેમજ અડધો વીડિયો રેકોર્ડ કરીને વાયરલ કર્યો હતો.
5. SPનો પ્રાથમિક પ્રતિસાદ
અમદાવાદ ગ્રામ્ય SPએ કહ્યું કે પોલીસ સ્ટેશન પાસે ગાડી પર બેસવું ખોટું છે, પરંતુ PSIના વર્તન અંગે તપાસ કરીને યોગ્ય કાર્યવાહી કરવામાં આવશે.
6. સોશિયલ મીડિયા પર ચર્ચા
વિડિયો વાયરલ થતાં પોલીસની કાર્યશૈલી અને નાગરિકોની શિસ્ત બંને મુદ્દે ભારે ચર્ચા શરૂ થઈ ગઈ છે.
